Edhe pse fare nuk i duhej fitorja, Union Berlin e ka mposhtur 3:0 skuadrën Fortuna Dusseldorf për ta rrëzuar nga Bundesliga.
Skuadra ku luan futbollisti i Kosovës Valon Berisha, zyrtarisht ka rënë nga liga elitare në Gjermani.
Golat për Union Berlin i shënuan Ujah 26’, Gentner 54’ dhe Abdullahi 90’.
Sot përfundon sezoni 2019/20 në Bundesliga, kurse Dusseldorf mbetet në pozitën e 17-të në tabelë për të rënë në Bundesliga 2 për sezonin e ri.
Gjashtë fitore, 12 barazime e 16 humbje është statistika e skuadrës ku luan Berisha për këtë vit.
Megjithatë, Valon Berishës nuk do ti prishë shumë punë rëina e klubit nga Bundesliga, sepse më 30 qershor kthehet në Lazio, nga i cili ekip ishte i huazuar te Dusseldorf.
Union Berlin ka përfunduar sezonin në vendin e 11-të.
Insajderi.com
