Vazhdojnë polemikat Hoti-Haradinaj

Kanë vazhduar polemikat në mes kryeministrit të Kosovës, Avdullah Hotit e kryetarit të Aleancës për Ardhmërinë e Kosovës, Ramush Haradinaj.

Haradinaj ka shkruar se është kundër vendimit të 19 tetorit ku Qeveria Hoti vendosi ta shfuqizojë task-forcën kundër korrupsionit.

Ndërsa, Hoti i është përgjigjur se duke e ndërlidhur vendimin e Qeverisë së tij me “kthimin e ligjshmërisë dhe kushtetutshmërisë në vend”.

Por, erdhi edhe një kundër-reagim nga ish-kryeministri i vendit, Ramush Haradinaj, duke e lidhur vendimin qeveritar me “shërbim partiak” të Hotit.

“Gjatë jetëgjatësisë së demokracisë së vendit tonë, sa herë që Kushtetuta e Republikës është zbatuar për interesat e një partie të caktuar, ka dalë të jetë e gabuar”, ka shkruar ai në Facebook.

Ka kohë që janë rritur mospajtimet në mes akterëve të koaliconit qeverisës. /Insajderi.com