Mbrëmë rreth orës 18:00, një ari i ka mbytur 12 dele në një fermë e cila ndodhet në afërsi të ish-fabrikës “Farmakos” në Prizren.
Ariu ka tentuar ta sulmojë edhe Hysen Rrapin i cili është pronar i fermës, mirëpo ky i fundit është shpëtuar nga qentë e shtëpisë.
Rrapi thotë se shtëpitë e banimit janë vetëm 30 metra larg fermës së tij dhe se kjo është hera e katërt që bagëtia sulmohet nga arinjtë në atë rrethinë, Klan Kosova.
“Mbrëmë rreth orës 18:00, një ari me peshë prej 800-900 kilogramësh ka hyrë në fermën time që ndodhet në afërsi ish-fabrikës ‘Farmakos’ në Prizren dhe i ka mbytur 12 dele”.
“Deri sa ariu i sulmonte delet unë isha në vendin e ngjarjes. Ariu ka tentuar të më sulmoi edhe mua mirëpo unë shpëtova falë qenve. Njëri qen ka mbetur i lënduar nga ariu”.
“Brenda dy muajve, ky është i katërti rast që ariu e sulmon bagëtinë. Policinë ende nuk e kam njoftuar pasi që e kamë parë të rrugës që së pari ta raportoi rastin në media. Delet e mbytura ende nuk i kam larguar nga vendi i ngjarjes”.
“Shtëpitë e banimit ndodhet vetëm 30 metra larg fermës ku ka hyrë ariu”.
