“Virusi doli në Kinë, nga laboratori ku po punonin për vaksinën e HIV”

“Virusi doli në Kinë, nga laboratori ku po punonin për vaksinën e HIV”

Virologu francez Luc Montagnier, i cili mori çmimin Nobel për zbulimin e HIV në 2008, tha në një intervistë se koronavirusi COVID-19 është krijuar nga shkencëtarët në laborator.

Ky virus nuk është me origjinë natyrore, por i krijuar artificialisht, me shtimin e grimcave HIV, vuri në dukje shkencëtari.

E gjithë kjo u bë nga biologët molekularë. Pse u bë e gjithë kjo, Montagnier nuk e di.

“Detyra ime është të paraqes faktet, nuk fajësoj askënd, nuk e di kush e bëri këtë dhe pse,” tha shkencëtari.

Sugjerimi i tij është që shkencëtarët që krijuan koronavirusin po përpiqeshin të prodhonin një vaksinë të AIDS-it transmeton Gazeta Shneta.

Montagnier tha më parë në një intervistë për ‘Pourquoi Docteur’, se doli nga laboratori në Wuhan.

“Me kolegun tim, bio-matematicientin, Jean-Claude Perez, kemi analizuar me kujdes përshkrimin e gjenomit të këtij virusi ARN,” shpjegon Luc Montagnier, duke shtuar se të tjerët tashmë e hulumtuan këtë rrugë:

Studiuesit nga India tashmë janë përpjekur të publikojnë rezultatet e analizave që treguan se ky gjenom koronavirus përmbante sekuenca të një virusi tjetër,…virusin HIV (virusin AIDS), por ata u detyruan të tërhiqnin gjetjet e tyre si rrjedhojë e presionit të madh”.

Versioni që koronavirusi u krijua artificialisht do të vazhdojë të shprehet nga burime serioze.

Më parë, mediat amerikane raportuan se në Wuhan, biologët kinezë, së bashku me amerikanët, kryen teste për të krijuar një virus për të gjetur një kurë efektive për virusin SARS.

Nga vet personeli laboratorik në Wuhan, ata nxituan të hedhin poshtë këtë pretendime, por nuk mundën të heqin plotësisht dyshimet e publikut.