Anëtari i Lëvizjes Vetëvendosje, Avni Zogiani, ka komentuar kërcënimin e anëtarit të Nismës drejtuar Albin Kurtit.
Zogiani përmes Facebook ka thënë se Haxhi Hoti, që e bën dallimin mes interesit të popullit dhe atij të shtetit, ka studiuar në Universitetin e Prishtinës, ku ligjërojnë “profesorët” e PDK-së.
Ai ka thënë se personat e tillë e shohin shtetin e Kosovës si mjet për t’i mbrojtur interesat e tjera, shkruan Insajderi.
Haxhi Hoti e ka fshirë postimin e tij në Facebook. Këtë e ka bërë me arsyetimin se është një gabim teknik ndërsa sipas tij, mediet nuk e kanë pyetur kur e kanë shpërndarë lajmin.
