Një influencuese kinez ka vdekur pasi ish-bashkëshorti i saj dyshohet se e mbyti atë me benzinë dhe i vuri flakën ndërsa po përpiqej të transmetonte drejtpërdrejt, thanë raportet e mediave lokale, shkruan CNN, transmeton Insajderi.
Lamu ishte e njohur në Douyin, versioni kinez i TikTok, ku ajo kishte qindra mijëra ndjekës. Ajo pësoi djegie në 90% të trupit të saj dhe vdiq dy javë pas sulmit.
Rasti ka nxitur biseda në mediat sociale rreth dhunës ndaj grave në Kinë.
Lamu, 30 vjeçare, nga provinca Sichuan e Kinës, ishte e njohur për postimet e saj të lumtura në jetën rurale dhe u vlerësohej për faktin se nuk vintë grim në videot e saj, të cilat kishin miliona pëlqime.
Sipas medias shtetërore Beijing Youth Daily, ekrani i Lamut u errësua shpejt pasi ajo filloi transmetimin e drejtpërdrejtë më 14 shtator.
Ish-bashkëshorti i saj, i identifikuar vetëm nga mbiemri i tij Tang, dyshohet se ishte futur në shtëpinë e saj i armatosur me thikë dhe benzinë.
Një deklaratë nga Byroja e Sigurimit Publik të Qarkut Jinchuan tha se pas sulmit në 14 Shtator, ajo u dërgua në një spital lokal dhe më pas u transferua në Spitalin Popullor Provincial Sichuan për trajtim të mëtejshëm. Ajo ndërroi jetë me 30 shtator.
Çka çoi deri në vrasje?
Sipas Pekin Youth Daily, Tang thuhet se kishte një histori të dhunës në familje. Kunati i Lamut, i identifikuar si Luo, tha se ai kishte dëgjuar gruan e tij “të përmendte që motra e saj rrihej shpesh nga Tang”.
Lamu thuhet se u divorcua këtë vit në maj – çifti ka dy fëmijë dhe secili fitoi kujdestarinë e një fëmije.
Pak më vonë, Tang kërcënoi të vriste një fëmijë nëse Lamu nuk martohej përsëri me të, tha raporti i lajmeve.
Ajo e bëri, por përfundoi duke ikur prej tij. Në pamundësi për ta gjetur atë, ai thuhet se mori në pyetje të afërmit e saj – motra e Lamut, e cila refuzoi të zbulonte vendndodhjen e saj, u rrah nga Tang.
Anëtarët e familjes thanë se kjo ngjarje u raportua në polici e cila, sipas tyre, nuk ndërmori asnjë veprim.
Lamut përfundimisht u divorcua nga ai përsëri dhe ai fitoi kujdestarinë e të dy fëmijëve.
Policia tha se Tang u ndalua në 14 shtator nën dyshimin e “vrasjes me dashje”. Një ekip po vazhdon të hetojë, tha deklarata. /Insajderi.com
