Presidenti i Serbisë, Aleksandar Vuçiq, është deklaruar rreth asaj se çfarë është diskutuar sot në takimin me kryeministrin e Kosovës, Avdullah Hoti, ku përmendi edhe letrën me 16 pika, për të cilën pati shumë reagime nga ana e Serbisë, njofton Insajderi.
I pari i Serbisë thotë se ka refuzuar kategorikisht letrën ku në njërën prej 16 pikave flitej edhe për njohje reciproke midis Kosovës dhe Serbisë.
Sipas tij, pas refuzimit që bëri, pala amerikane e hoqi atë nga tavolina e diskutimeve.
“Dokumentin e parë që e kemi marrë kishte titullin Normalizimi ekonomik. Më pas, nikoqiri na shpërndau një dokument tjetër, ku ne nuk kishin qasje më herët. Ajo letër ishte e tmerrshme, i kishte 15 apo 16 pika, e njëra prej tyre fliste për njohje reciproke. Unë e refuzova këtë. Ky nuk është kurrfarë lajmi, gjëja e vetme ishte se ne thamë që kjo nuk ka nevojë të qëndrojë në një dokument për stabilizimin ekonomik. Nga kabineti i Trumpit u treguan fer dhe dëgjuan. Në dokumentet tjera, kjo pikë më nuk ishte”, ka thënë Vuçiq pas takimit me Hotin me ndërmjetësimin e SHBA-së, përcjellin mediat serbe. /Insajderi.com
