Vuçiq ka biseduar me Macron-in, por s’dëshiron të tregojë se për çfarë.
Presidenti i Serbisë, Aleksandër Vuçiq, ka refuzuar të përgjigjet kur është pyetur rreth bisedës së tij telefonike me presidentin e Francës, Emmanuel Macron.
Gazetarët kanë dashur të dinë se a është i vërtetë lajmi që me 17 korrik do të ketë një takim në Francë, mes delegacioneve të Kosovës e Serbisë.
Vuciq as nuk e pohuar e as mohuar se do të ndodhë ky takim, por ka vazhduar duke thënë se me rëndësi është që dialogu pritet të vazhdojë në Bruksel.
“Kam biseduar me Macron-in, por s’më pëlqen të mbushë kolonat e gazetave”, ka thënë Vuçiq, me pretendimin që s’do të prodhojë lajme për mediat nga kjo bisedë e tij me homologun francez./Insajderi.com
