Yjet e botës që falimentuan dhe jeta e shfrenuar e tyre

Insajderi

Yjet e botës që falimentuan dhe jeta e shfrenuar e tyre

Fitojnë shuma marramendëse, por edhe yjet gjenden në vështirësi financiare, e në këtë rast fajin nuk e ka mungesa e të ardhurave, por keqmenaxhimi i tyre.

Nga Kim Basinger tek Mike Tyson, shumë VIP-a dorëshpuar kanë provuar në kurriz falimentimin për shkak të shpenzimeve pa fre dhe vendimeve të gabuara, shkruan TCH.

Jonny Depp

Mes shtëpive, varkave, veseve pafund, verërave të shtrenjta dhe divorceve të kushtueshhme, Johnny Depp ka arritur të shpenzojë 2 milionë dollarë në muaj. 75 milionë dollarë i ikën për blerjen dhe mirëmbajtjen e 14 shtëpive luksoze anembanë globit e miliona të tjera i ka hedhur në erë me makina ekstravagante.

Mike Tyson

Në më shume se 20 vite të kaluara në ring, Mike Tyson arriti të grumbullonte 400 milionë dollarë, të cilat i shpenzoi me blerje të shfrenuara që përfshinin edhe ato më të çuditshmet, siç ishte edhe një tigër siberian.

Larry King

Telashet e këtij lloji nuk kanë kursyer as ikonën e CNN, Larry King. Karriera e tij pati një moment të keq në vitin 1971, kur u akuzua se kishte vjedhur 5000 dollarë dhe deri në vitin 1978 nuk gjeti dot punë, duke u zhytur në borxhe.