=Deputeti i Partisë Social Demokrate Visar Ymeri ka folur për protestën e organizuar nga Lëvizja Vetëvendosje e cila do të mbahet të shtunën në Prishtinë.
Ai ka treguar pse PSD dhe ai personalisht nuk do të marrin pjesë në këtë protestë.
Ymeri në një intervistë për Gazetën Blic ka thënë se VV e ka përjashtuar plotësisht PSD nga organizimi i përbashkët i protestës, duke thënë se VV u koordinua vetëm me Lidhjen Demokratike të Kosovës.
Ymeri ka thënë se PSD nuk është kundër protestave por kundër mënyrës se si VV e ka organizuar protestën duke i marr të drejtat ekskluzive për organizim.
“Së pari unë besoj që e keni vërejt edhe ju që kur së pari Lëvizja Vetëvendosje ka dal me këtë propozim për protestë, atëbotë si patën bërë fare ftesë PSD-së, ajo ka komunikuar vetëm me Lidhjen Demokratike të Kosovës, kështu Partia Social Demokrate nga Lëvizja Vetëvendosje u përjashtua si mundësi bashkëpunimi, në anën tjetër unë mendoj se jemi në një moment delikat dhe në këtë pozicion në të cilin jemi e me numrat që i kemi si opozitë është jashtëzakonisht i rëndësishëm bashkimi opozitar dhe bashkëpunimi opozitar të jetë i sinqertë dhe që do nënkuptonte një fuqi jashtëzakonisht të madhe ndaj pushtetit por edhe ndaj aventurave të Hashim Thaçit”.
“Mirëpo duhet ta kemi parasysh që ky bashkëpunim opozitar nuk mund të kaloj në kushte ekskluzivi teti të cilido prej subjekteve politike të opozitës dhe në anën tjetër të shpërfilljes së rëndësisë së bashkëpunimit dhe diskutimit të përbashkët edhe te marrjes së përbashkët të vendimeve dhe qëndrimeve për sa i përket edhe metodave edhe çështjeve për të cilat mund të bashkëpunojmë dhe të kundërshtojmë” ka thënë Ymeri.
