Zëdhënësi i ri i grupit terrorist Shteti Islamik (ISIS), Ebil Hasan el-Muhaxhir, ka publikuar audio-incizimin e parë pas emërimit të tij në këtë pozitë.
Deri tash është publikuar vetëm versioni i tij në gjuhën arabe, derisa faqja propagandistike e ISIS’it në shqip e ka bërë edhe njoftimin për këtë fjalim, me titullin “Ti pra bën durim, pse premtimi i Allahut është i saktë”.
Por, në këtë fjalim, zëdhënësi i kësaj organizate bën thirrje për më shumë sulme në Evropë, raporton Gazeta Express.
Dihet që pas fjalimit më të fundit të shefit të ISIS’it, Ebu Bakar al-Bagdadi, një seri sulmesh ishin kryer në Evropë, përfshirë sulmet në Paris e Bruksel.
