Ministri i Shëndetësisë, Armend Zemaj, ka njoftuar se nuk do të ndërmarrin asnjë veprim dhe asnjë masë të re kundër COVID-19 pa u koordinuar me institucionet që janë të involvuara në zbatueshmërnë e Ligjit për pandeminë, njofton Insajderi.
Përmes një postimi në llogarinë e tij në Facebook, Zemaj është shprehur se çdo masë apo vendim është i kotë nëse nuk ka mbikëqyrje rigoroze të zbatimit të masave.
“Në Republikën e Kosovës, autoriteti i vetëm që interpreton masat anti Covid është Ministria e Shëndetësisë, çdo vendim tjetër i lëshuar nga ndonjë institucion tjetër, si leje për veprim është i pavlefshëm dhe policia dhe inspektoratet duhet të veprojnë menjëherë”, ka shkruar ndër të tjera ai.
Tutje, ministri Zemaj ka lutur qytetarët që pas ardhjes së mërgimtarëve të kenë kujdes e të respektojnë masat./Insajderi.com