Mbrëmë rreth orës 23:40, disa persona janë përleshur mesvete. Insajderi ka mësuar se të përfshirë kanë qenë disa zyrtarë të Telekomit të Kosovës ndërsa i plagosur ka mbetur Shaban Ramaj, punonjës, shkruan Insajderi.
E policia e Kosovës përleshjen e tillë e ka cilësuar vetëm si “zënkë mes të rinjsh”, ndërsa ka thënë se Ramaj është vet-plagosur në këtë rast. PK nga tërë kjo përleshje, thotë se ka konfiskuar një armë dhe ka intervistuar të dyshuar e dëshmitarë.
Insajderi ka raportuar mëngjesin e sotëm se Shaban Ramaj, i plagosuri, është mik i deputetit të Aleancës për Ardhmërinë e Kosovës, Bekë Berishës./Insajderi.com/
