Një incident zjarri ka ndodhur mbrëmjen e së martës në një objekt banesor në kryeqytet.
Nga ky incident zjarri nuk raportohet për të lënduar.
Rastin për Insajderi-n e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Sot rreth orës 19:30, është pranuar informata për një incident zjarri (janë djegur njësorët e rrymës) në një objekt banesor në rrugën “Dëshmorët e Kombit” në Prishtinë”, ka thënë ajo.
Ahmeti theksoi se në vendin e ngjarjes kanë dalë ekipet e policisë dhe të zjarrfikësve të cilët edhe kanë arritur të lokalizojnë zjarrin.
“Bazuar në të dhënat e deritanishme nuk raportohet për persona të lënduar”, ka shtuar Ahmeti./Insajderi.com