Gjashtë herë fituesi i Topit të Artë do të qëndrojë në Camp Nou për një sezon tjetër, duke zbuluar një mosmarrëveshje të kahershme me presidentin.
Lionel Messi, ka thyer heshtjen e tij pse ai kërkoi të largohej nga Barcelona, duke zbuluar te Goal një mosmarrëveshje të gjatë me presidentin e klubit Josep Maria Bartomeu, në lidhje me të ardhmen e tij në Camp Nou dhe drejtimin e përgjithshëm të klubit të Barcelonës
Argjentinasi, tronditi botën e futbollit në fund të gushtit kur ai lëshoi një “bombë” të madhe në Barça-duke kërkuar të largohej dhe aktivizonte një klauzolë në kontratën e tij që ai besonte se do ta lejonte atë të dilte nga klubi katalanas si lojtar i lirë.
“Unë i thashë klubit, përfshirë presidentin, se doja të shkoja. Unë ia kam thënë këtë gjatë gjithë vitit. Besoja se ishte koha të largohesha ”, tha Messi për Goal, transmeton Insajedri.
“Besoja se klubi kishte nevojë për më shumë lojtarë të rinj dhe mendova se koha ime në Barcelona kishte mbaruar. Më vinte shumë keq sepse gjithmonë thoja që doja ta përfundoja karrierën time këtu.
“Ishte një vit shumë i vështirë, kam vuajtur shumë në stërvitje, në lojëra dhe në dhomën e zhveshjes. Gjithçka u bë shumë e vështirë për mua dhe erdhi një kohë kur unë mendoja të kërkoja ambicie të reja.
“Nuk erdhi për shkak të rezultatit të Champions League kundër Bayern, jo – unë kisha menduar për vendimin për një kohë të gjatë.
“Unë i thashë presidentit, dhe ai më tha se në fund të sezonit mund të vendosja nëse doja të shkoja ose nëse doja të qëndroja dhe në fund ai nuk e mbajti fjalën e tij.”
“Dërgimi i faksit me kërkesën për largim, ishte duke e zyrtarizuar dëshirën time që të largohesha dhe të përdorja mundësinë që të lirohesha nga klubi si lojtar i lirë.”, tha Messi ndër të tjera.
Manchester City dhe Manchester United, llogariteshin si skuadra favorite për të marrë në radhët e tyre, njërin nga lojtarët më të mirë të të gjitha kohërave./Insajderi.com.
