Ushtruesja e detyrës së presidentes së Kosovës, Vjosa Osmani, në deklarimin drejtuar popullit për fundvit, ka përkujtuar të gjithë të vdekurit si pasojë e COVID-19, teksa ka thënë se më 2021 duhet të niset një kapitull i ri në jetën e qytetarëve.
Përmes një video-mesazhi të publikuar në Facebook, Osmani ka thënë se pas një viti shumë të rëndë, Kosovën dhe popullin e saj e presin ditë më të mira.
“Ditët më të mira i kemi përpara. Edhe pse nuk mund ta ndryshojmë atë që ka ndodhur, mund të mësojmë prej kësaj e të nisim një kapitull të ri në jetët tona së bashku me vitin 2021”, ka thënë ajo.
Osmani ka komentuar edhe zgjedhjet e reja parlamentare, data e të cilave ende nuk është caktuar, duke thënë se populli orientimin e vet mund ta shprehë përmes votës./Insajderi.com
