Kryetarja e KQZ-së, Valdete Daka, ka njoftuar se deri në orën 11 kanë votuar 182 mijë e 40 qytetarë ose në përqindje 10.05 për qind.
Daka ka njoftuar se në zgjedhjet e kaluara deri në orën 11 kanë votuar 12 për qind e qytetarëve.
Daka po ashtu ka treguar edhe për problemet që kanë ndodhur nëpër qendra të votimit.
Ajo është pyetur për përleshjen që ka ndodhu në Graçanicë dhe për procedurën e votimit të ish-kryeministrit të Kosovës, Isa Mustafa.
Ajo është shprehur se nuk ka qenë e informuar deri më tani për këto parregullsi, ndërsa për votimin e Mustafës Daka ka thënë se ajo është përgjegjësi e qendrës së votimit.
