11 fakte rreth ditës së shpalljes së pavarësisë së Kosovës

17 shkurti i vitit 2008 kishte qenë një ndër ditët më të ftohta të vitit, kjo datë shënon shpalljen e  pavarësisë së Kosovës ditës më historike të shtetit tonë, dhe të gjithë shqiptarëve anë e mbanë botës.

Të dielen u shënua 11 vjet shtetësi të shtetit më të ri në Evropë. Dhe për këtë ditë Insajderi sjellë 11 fakte rreth ditës historike.

1- Pavarësia zyrtarisht u shpallë me datën 17 shkurt 2008, në orën 15:39 minuta

2- Të parët që nënshkruan deklaratën e pavarësisë ishin: presidenti Fatmir Sejdiu, kryetari i kuvendit, Jakup Krasniqi, si dhe kryeministri i vendit, Hashim Thaçi.

3- Muzeu i Londrës ia fali Kosovës pergamenën për shpalljen e pavarësisë.

4- Pergamena e vjetër 200 vjeçare në të cilën është nënshkruar deklarata e pavarësisë, gjendet në zyrën e kryetarit të Kuvendit.

5-  Përveç pergamenës, aty gjenden edhe lapsi me të cilin vënë nënshkrimet, listat e nënshkrimeve të deputetëve pjesmarrës në seancë, si dhe flamuri i vendosur në seancën e shpalljes së pavarësisë

6 – Shtetet e para që njohën Kosovën si shtet pas shpalljes së pavarësisë ishin: Kosta Rika, SHBA, Franca, Afganistani, Shqipëria, Turqia, Britania e Madhe etj.

7- Dizajnues i flamurit dhe i stemës së Kosovës është Muhamer Ibrahimi

8- Himni i Kosovës, i kompozuar nga kompozitori Mendi Mengjiqi, për herë të parë ishte intonuar në seancën e shpalljes së pavarësisë së Kosovës.

9- Flamujt e parë të Republikës së Kosovës ishin shtypur në Turqi.

10- Yjet e bardhë në flamurin e Kosovës simbolizojnë komunitetet e ndryshme që jetojnë në Kosovë, harta e verdhë simbolizon pasurinë e Kosovës, ndërsa ngjyra e kaltër simbolizon Evropën.

11- Prezente gjatë seancës së shpalljes së pavarësisë të Kosovës, me transmetime direkte, kishin qenë edhe mediat më të njohura botërore si: CNN, BBC etj.