![11 viktima të reja nga Coronavirusi në Shqipëri](https://insajderi.com/wp-content/uploads/2020/12/h_55979290-scaled-e1604396525290-730x440.jpg)
11 persona kanë vdekur gjatë 24 orëve të fundit në Shqipëri, për shkak të infektimit me COVID-19, njofton Insajderi.
Ministria e Shëndetësisë dhe Mbrojtjes Sociale ka njoftuar se gjatë kësaj periudhe janë testuar një mijë e 508 persona, ku 318 prej tyre kanë rezultuar pozitivë me këtë virus.
Gjithashtu, janë shëruar 557 persona, duke çuar kështu numrin e të shëruarve në total 32 mijë e 122 pacientë.
Që nga fillimi i pandemisë, në Shqipëri janë infektuar me Coronavirus 56 mijë e 572 persona, janë kryer 255 mijë e 197 testime dhe kanë humbur jetën një mijë e 164 pacientë./Insajderi.com