Presidentja e Kosovës, Vjosa Osmani, 11 vjet pas vendimit të Gjykatës Ndërkombëtare të Drejtësisë, u ka bërë thirrje thirrjeve shteteve që ende s’e kanë njohur shtetin e Kosovës, “ta njohin këtë realitet të pakthyeshëm”, njofton Insajderi.
Në një postim në Twitter, Osmani ka shkruar se “Kosova është këtu për të qëndruar”.
“11 vjet më parë, GJND vendosi që pavarësia jonë nuk shkel ligjin. Koha që vendet që nuk e kanë bërë ende ta njohin këtë realitet të pakthyeshëm. Republika e Kosovës është këtu për të qëndruar: sovrane, e pavarur, demokratike dhe paqedashëse. Do të mbetet përgjithmonë kështu”, ka shkruar ajo.
Gjykata Ndërkombëtare e Drejtësisë më 22 korrik 2010 kishte shpallur të ligjshme pavarësinë e Kosovës.
Serbia me ndihmën e Rusisë kishte arritur që çështjen e Kosovës ta çonte në GJND, duke e cilësuar pavarësinë e Kosovës si “të njëanshme”./Insajderi.com
