12 persona kanë vdekur si pasojë e infektimit me Coronavirus brenda 24 orëve të fundit në Kosovë, njofton Insajderi.
Instiutit Kombëtar i Shëndetësisë Publike të Kosovës ka bërë të ditur në njoftimin e saj të fundit se përveç viktimave edhe 764 raste të reja pozitive kanë rezultuar nga gjithsej një mijë e 827 testime të kryera.
Tutje në njoftim thuhet se edhe 584 persona të infektuar deri më sot janë shëruar.
“Numri total i rasteve pozitive është 37.792 raste nga 139.699 persona të dyshimtë në virusin SARS-CoV-2 dhe 975 raste të vdekjes. Gjatë 24 orëve të fundit, janë shëruar 584 pacientë derisa numri i përgjithshëm i të shëruarve deri më sot është gjithsej 23.274 raste, kurse numri i rasteve aktive është 13.543”, thuhet në njoftimin e IKSHPK-së.
“Rastet pozitive janë nga komuna Prishtinë 319 raste, Gjilan 60 raste, Fushë-Kosovë 46 raste, Prizren 40 raste, Gjakovë 36 raste, Ferizaj 32 raste, Drenas 30 raste, Lipjan 28 raste, Pejë 28 raste, Viti 25 raste, Podujevë 24 raste, Kamenicë 14 raste, Suharekë 14 raste, Obiliq 13 raste, Rahovec 12 raste, Klinë 9 raste, Istog 8 raste, Vushtrri 6 raste, Malishevë 5 raste, Shtime 4 raste, Deçan 3 raste, Dragash 2 raste, Kaçanik 2 raste, Skenderaj 2 raste dhe me nga 1 rast komunat Hani i Elezit dhe Mitrovicë”, përfundon njoftimi. /Insajderi.com
