21 raste të reja me COVID-19 janë paraqitur gjatë njëzetekatër orëve të fundit në Kosovë.
Kështu ka njoftuar Ministria e Shëndetësisë, e cila po ashtu njoftoi se gjatë ditës së fundit nuk ka asnjë vdekje si pasojë e Coronavirusit.
Madje, 10 persona të tjerë kanë arritur të shërohen.
Rastet aktive kanë shënuar një rritje; tani janë 441, krahasuar me të hënën nënkupton 11 më shumë.
Qendër e Vaksinimit – Salla “1 Tetori” në Prishtinë
Ndërsa, të hënën ka vazhduar edhe vaksinimi.
5 mijë e 751 qytetarë u vaksinuan të hënën.
Me këtë numri i personave që kanë marrë të paktën një dozë vaksine ka shkuar në 838 mijë e 946 sosh.
Ndërsa, procesin me të dy dozat e kanë kryer 730 mijë e 37. /Insajderi.com
