Kosova ka regjistruar edhe 216 raste pozitive me coronavirus.
Instituti Kombëtar i Shëndetit Publik ka regjistruar edhe 216 raste të reja me COVID-19 – kështu ka vazhduar tash e disa ditë që brenda 24 orëve të raportohen mbi 200 raste me coronavirus.
Komuna më e prekur vazhdon të jetë Prishtina në përgjithësi, të dielën kryeqyteti regjistroi edhe 115 raste.
Ndërsa, dy komunat që në fillim të pandemisë ishin më të prekurat; Vitia dhe Malisheva kanë regjistruar vetëm nga rast gjatë ditës së diel.
“Rastet pozitive janë nga: komuna Prishtinë 115 raste, komuna Drenas 16 raste, komuna Fushë Kosovë 16 raste, komuna Lipjan 14 raste, komuna Podujevë 12 raste, komuna Mitrovicë 10 raste, komuna Skenderaj 6 raste, komuna Obiliq 4 raste, komuna Vushtrri 4 raste, komuna Shtime 3 raste, komuna Kaçanik 3 raste, komuna Suharekë 3 raste, komuna Prizren 2 raste, komuna Deçan 2 raste dhe me nga 1 rast komunat: Ferizaj, Klinë, Malishevë, Pejë, Rahovec dhe Viti”, thuhet në njoftim.
Qeveria e Kosovës ka paralajmëruar masa rigoroze për parandalimin e përhapjes së COVID-19. /Insajderi.com/
