Paralajmërimi i dhënë së fundmi nga disa kompani private në Kosovë për ndërtimin e një projekti në formë lagjeje rrëzë Badocit ka ngjallur reagime të shumta te qytetarët.
![25 mijë qytetarë në mbrojtje të Badocit](https://insajderi.com/wp-content/uploads/2020/01/9061958188_00cd8ef9e6_b-730x440.jpg)
Ndonëse Ministria e Mjedisit dhe Komuna e Prishtinës kanë pohuar se nuk kanë dhënë leje për ndërtim, thirrjet e qytetarëve për mos degradim të Badocit janë duke vazhduar për më shumë se 10 ditë, shkuan sot gazeta Zëri.
Paralajmërimi për ndërtimin e një lagjeje në brigjet e liqenit të Badovcit ka mobilizuar dhjetëra-mija qytetarë të Republikës së Kosovës, të cilët janë vënë në mbrojtje të këtij resursi ujor. Grupi për Mbrojtjen e liqenit të Badocit, i formuar më 9 janar në rrjetin social “Facebook”, ka grumbulluar rreth 25 mijë qytetarë, të cilët janë mbledhur rreth një kauze të përbashkët për ta parandaluar degradimin e liqenit të Badocit.