Freedom House ka publikuar raportin “Liria në Botë 2020”, dhe Serbia së bashku me rreth tridhjetë shtete gjendet në grupin me rënie më të madhe të lirive në dhjetë vjetët e fundit.
Në raport është publikuar tabela prej 29 shteteve, duke përfshirë Serbinë, me rënie më të madhe të lirive në dekadën e kaluar.
Në vendin e parë gjendet shteti i Afrikës Lindore Burundi, dhe pasojnë Turqia, Mali, Republika e Afrikës Qendrore, Venezuela etj. Serbia në këtë tabelë është në vendin e 20-të.
“Në Serbi gazetarët e pavarur, liderët opozitarë dhe të tjerët të cilët pushteti i shikon si armiq janë përballur me maltretime, kërcënime e ndonjëherë edhe me dhunë.
Frustrimi i publikut me partitë në pushtet është rritur në protesta të mëdha, por nuk kanë arritur të shkaktojnë ndryshime të rëndësishme”, pretendohet në raportin e Freedom House./Insajderi.com.
