Kontaktet e policëve më shumë qytetarë e zyrtarë shtetërorë, në zbatim të masave të menaxhimit të pandemisë, ka bërë që një numër i madh i tyre të infektohen me COVID-19, e ka pasur prej tyre që edhe kanë humbur jetën.
Drejtori i Departamentit të Operacioneve në Policinë e Kosovës, Afrim Ahmeti, në një intervistë për Ekonomia Online ka thënë se që nga fillimi i pandemisë, se mbi 300 pjesëtarë të policisë janë të prekur nga Coronavirusi.
“Pa dyshim që edhe Policia e Kosovës si të gjithë qytetarët tjerë nuk është imune ndaj pandemisë, duke pasur parasysh që pas mjekëve policia në baza ditore ka qenë në frontin e parë në shërbim të qytetarëve, me kontakte të shumta, andaj kemi pasur edhe pjesëtarë të policisë të infektuar”.
“Gjithsej kemi pasur 348 zyrtarë të infektuar 146 janë shëruar dhe fatkeqësisht kemi 2 të vdekur. Aktualisht janë 200 pjesëtarë aktivë me COVID-19, 9 janë duke u trajtuar në spital, 191 janë në shtëpi”, është shprehur ai.
Ahmeti ka thënë se që nga filmi i përhapjes së pandemisë, policia ka qenë e angazhuar me kapacitetet të plota.
Aktualisht sipas tij, janë të angazhuar 4 mijë pjesëtarë të policisë për të zbatuar planin e Qeverisë.
