Në Kosovë, numërohen 371 raste aktive me Coronavirus.
Në bazë të të dhënave të fundit, Ministria e Shëndetësisë ka njoftuar se gjatë 24 orëve të fundit, 33 persona kanë rezultuar pozitiv me këtë virus.
Ndërsa, 12 të tjerë janë shëruar, shkruan Insajderi.com.
Theksojmë se edhe Kosova është prekur nga varianti Omicron.
Omicron
Instituti Kombëtar i Shëndetësisë Publike, më 26 dhjetor ka bërë të ditur se janë identifikuar nëntë raste të reja me Omicron.
“Nga hulumtimi epidemiologjik, ka rezultuar se nga këto raste: 2 raste janë të importuara nga SHBA-të,2 raste janë të importuara nga Londra, Mbretëria e Bashkuar, 1 rast është i importuar nga Franca; dhe 4 raste me variantin Omicron të detektuar janë në komunën e Mitrovicës, të cilët mohojnë historinë e udhëtimit dhe se kanë pasur kontakte me dikë nga jashtë”, thuhet në një njoftim për media./Insajderi.com
