Gazetarja, Anita Haradinaj, ka deklaruar se nuk ka pasur sulm fizik ndaj saj nga bashkëshorti, Ramush Haradinaj.
Është raportuar se Haradinaj ka përfunduar në emergjencë pasi është “rrahur” nga ish-kryeministri i Kosovës, Ramush Haradinaj.
Ajo ka shprehur keqardhje për “nivelin e medias”, duke thënë se nuk është e vërtetë ajo që është raportuar.
Ndër tjerash, moderatorja , tha se ka 17 vite martesë dhe se është shumë mirë në raporte me Haradinajn.
“Kam 20 vjet që punoj dhe jam pjesë e medias në Kosovë dhe sot shpreh keqardhje për nivelin e mediave dhe tendencës për të prodhuar lajme banale, tituj banal e thashetheme për dy klikime me shumë a më pak, kam qenë shumë herë pjesë e lajmeve të tilla dhe e kam kuptuar që injorimi do te ishte formë e drejtë e përgjigjes së thashethemeve por kjo e mbrëmshmja ishte e pamundshme te injorohet sepse unë jam nënë, motër, mike, shoqe e dikujt dhe normalisht ka shqetësuar dikë diku! Prandaj është e turpshme të prodhohen lajme kaq të ulta! Unë jam shume mirë dhe kam 17 vjet që jam shumë mirë me Ramushin”, ka shkruar ajo në Facebook. /Insajderi.com
