Analistja politike, Donika Emini, ka thënë se vizita e emisarit special të Bashkimit Evropian për dialogun Kosovë – Serbi, Mirosllav Lajçak, në Kosovë – ka ardhur për shkak të frikës së tij se mos po bllokohet procesi i dialogut.
“Kjo vizitë po vjen pikërisht nga frika që Serbia dhe Kosova do ta bllokojnë sërish procesin, të cilin nuk kishin gjasa ta bllokonin në Washington sepse fuqia e Shtëpisë së Bardhë dihet. Te BE-ja ka tendenca, kryesisht nga Serbia, sepse ajo qysh më 2013 e ka ndërlidhur dialogun me procesin e anëtarësimit në BE”, shtoi ajo.
Ajo gjithashtu tha se takimi i Lajçak-ut me të gjithë liderët e partive politike në Kosovë, tregon se ai është i shqetësuar me fuqinë dhe legjitimitetin e Avdullah Hotit si kryeministër./Insajderi.com.
