Shqiptari-amerikani, Uk Lushi, ka reaguar ndaj thirrjes së Albin Kurti ka bërë për diasporës shqiptare në Shtetet e Bashkuara të Amerikës për ta votuar Joe Biden.
Lushi tha se “Relacioni Amerikë-shqiptarë nuk është tavolinë bixhozi ku vendosen baste që panevojshëm mund t’u kushtojnë shqiptarëve kudo”.
Analisti që jeton në Amerikë i tha Kurtit se “ata nuk kanë nevojë për mësues”.
Postimi i plotë:
Njerëzit që nuk janë shtetas amerikanë nuk duhet të përzihen apo tentojnë të influencojnë votuesit amerikanë për kënd të votojnë në Amerikë. Kjo vlen sidomos për politikanët shqiptarë në Ballkan.
Relacioni Amerikë-shqiptarë nuk është tavolinë bixhozi ku vendosen baste që panevojshëm mund t’u kushtojnë shqiptarëve kudo.
Shtetasit amerikanë me përkatësi apo prejardhje shqiptare janë njerëz të dijshëm dhe do të votojmë sipas vullnetit të lirë. Afër 1 milionë shqiptarë të Amerikës nuk kanë nevojë për mësues apo tutorë si të votojmë.
Mjaft me thirrje dhe sjellje politike, demokratike dhe legale të rrezikshme!
