Përfaqësues nga Departamenti Amerikan i Energjisë janë takuar sot me kreun e Qeverisë së Kosovës, Avdullah Hoti, njofton Insajderi.
Lajmin për këtë takim midis këtyre dy palëve, e ka bërë të ditur Ambasada e Shteteve të Bashkuara të Amerikës në Kosovë me anë të një postimi në Twitter.
Ky takim vjen pak javë pas nënshkrimit të marrëveshjes në Shtetet e Bashkuara dhe ka të bëjë me hapat e ardhshëm që do të merren për studimin e fizibilitetit të menaxhimit të resurseve në Liqenin e Ujmanit.
“Delegacioni ndërinstitucional u takua me Hotin për të diskutuar lidhur me marrëveshjen dhe mbështetjen e SHBA-së si dhe për hapat e ardhshëm për një studim të fizibilitetit të menaxhimit të burimeve në Liqenin e Ujmanit”. /Insajderi.com
The @ENERGY led interagency delegation met with PM @Avdullah Hoti to discuss U.S. support for energy diversification & next steps for a resource management feasibility study on Lake Ujmani/Gazivode. pic.twitter.com/KOjt9W8nJJ
— U.S. Embassy Pristina (@USEmbPristina) October 19, 2020