Ish-ministrja a Drejtësisë, Albulena Haxhiu, duke folur për Asociacionin e komunave me shumicë serbe dhe kundërshtimin që i ka bërë Vetëvendosje, ka thënë se deklarata e Lajçakut për ndryshimin e Kushtetutës nuk ka qenë për ta e befasishme, njofton Insajderi.
Më pas në emisionin Debat Plus në Tv Dukagjini, Haxhiu ka thënë se qysh nga vitit 2013 kur marrëveshja e parë për Zajednicën kishte ardhur në kuvend, Vetëvendosje kishte paralajmëruar për pasojat.
“Nga viti 2013 kur në kuvend ka ardhur marrëveshja e parë LVV kishte paralajmëruar për pasojat. Në atë kohë patëm thënë se “Zajednica” shkel Kushtetutën e Republikës së Kosovës. Pra ngritja e një pushteti të tretë ishte në kundërshtim me Kushtetutën e Kosovës”.
Tutje ajo ka thënë se “është vetëm Lëvizja Vetëvendosje që si parti e kishte dërguar në Kushtetuese këtë marrëveshje por në fillim kjo kishte refuzuar për ta shqyrtuar këtë ankesë me pretendimin se nuk merret me marrëveshjet ndërkombëtare”.
“Më pas marrëveshjen e vitit 2015, Kushtetuesja konstaton se ka shkelje të Kushtetutës me atë marrëveshje dhe krijohet një pushtet i tretë. Në Kosovë vetëm Vetëvendosjes ndërkombëtarët nuk mund t’i kërkojnë zbatimin e marrëveshjes së Asociacionit”, ka shtuar Haxhiu./Insajderi.com
