Kryetari i Aleancës së Ardhmërisë së Kosovës, Ramush Haradinaj , ka thënë se nuk e ka votuar Gjykatën Speciale pasi ka pasur frikë që do të dëmtohet imazhi i Kosovës, njofton Insajderi.
Haradinaj i ftuar në një emision në NEWS 24 ka thënë gjithashtu se akuzat e ish-krerëve të UÇK-së, të cilët po ashtu mbajnë pozita politike në Kosovës i bëjnë dëm të madh Kosovës.
“Ne as atëherë as tash nuk kemi pasur frikë nga Gjykata. Ne e kemi pasur frikën që do të kemi një dëmtim të imazhit tonë. Këto akuza të udhëheqësve politikë bëjnë dëm të madh Kosovës, i vështirësohet pozita e saj”, tha Haradinaj.
Po ashtu edhe vetë Haradinaj është përballur me Gjykatën Speciale./Insajderi.com
