Kryetarja e Komisionit Qendror të Zgjedhjeve, Valdete Daka, pas mbylljes së vendvotimeve në Podujevë dhe në Mitrovicë të Veriut, ka thënë se pritet që deri në orën 21:00, njofton Insajderi.
Sipas Dakës, rezultatet pritet që të dalin brenda dy orëve meqë nuk ka shumë vendvotime dhe ka pak kandidatë.
“Duke marrë parasysh se nuk ka shumë vendvotime dhe kandidatë ka pak, ne presim që diku rreth orës 21 të dalim me rezultate preliminare”, ka thënë Daka.
Sipas KQZ-së, në Podujevë kanë votuar 40.51 për qind e votuesve, 7 për qind më pak se në zgjedhjet e vitit 2017.
Ndërkaq në Mitrovicën e Veriut kanë dalë për të votuar 39.41 për qind e votuesve.
“Deri në orën 15:00 dalja në zgjedhje ka qenë 29.76 për qind, apo 26 mijë votues nga 87 mijë e 381. Në vitin 2017 dalja në zgjedhje ka qenë 31 për qind”, thuhet në njoftimin e KQZ-së.
“Në Mitrovicën e Veriut dalja në zgjedhje deri në orën 15:00 është 30.3 përqind, apo shtatë mijë e 62 qytetarë. Dalja në zgjedhje në vitin 2017 në këtë komunë ka qenë 29 përqind deri në orën 15:00”, bëhet e ditur tutje. /Insajderi.com
