Një person ka ndërruar jetë si pasojë e një aksidenti trafiku që ka ndodhur më datë 16 nëntor në Komoran, njofton Insajderi.
I ndjeri ishte duke u trajtuar në Qendrën Klinike Universitare të Kosovës, por që nuk ka arritur t’i bëjë ballë më gjatë lëndimeve të marra.
Kështu ka bërë të ditur Policia e Kosovës në raportin e saj 24-orësh.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për Obduksion.
“Rr. Prishtinë –Pejë, Komoran 16.11.2020-13:30. Me 29.11.2020 është raportuar se një mashkull kosovar, i cili ishte duke u trajtuar ne QKUK i lënduar në aksident, sot me dt.29.11.2020- ka ndërruar jetë . Me vendim te prokurorit trupi i pa jetë është dërguar ne IML për Obduksion”, thuhet në njoftim. /Insajderi.com
