Ministrja e Punëve të Jashtme dhe Diasporës në Kosovë, Meliza Haradinaj-Stublla, ka thënë se Serbia është shteti i parë në botë që ka kontrabanduar vaksinat kundër Coronavirusit, njofton Insajderi.
Sipas saj, presidenti serb, Aleksandar Vuçiq, nuk po arrinë që të shkëputet nga “roli i propaganduesit e mohuesit të fakteve”.
Këto deklarata Haradinaj-Stublla i ka bërë në llogarinë e saj në Facebook.
“Propaganda është mjeti i tij i preferuar me të cilën ai tenton të hedhë mjegull sa herë që zihet ngushtë e ballafaqohet me të vërtetën. Kështu ka vepruar edhe dje, teksa paska reaguar ndaj deklaratës sime për futjen ilegale e në mënyrë të kontrabanduar të ‘vaksinave’ në territorin e Republikës së Kosovës”, ka shkruar shefja e diplomacisë kosovare.
Tutje, Haradinaj-Stublla është shprehur se “Vuçiq para se të vendosë të kontrabandojë të ashtuquajtura ‘vaksina’, duhet të vendosë të na i kthej trupat e mbi 1,600 të zhdukurve që i mbanë fshehtë në varreza masive në shtetin e tij”./Insajderi.com
SERBIA SHTETI I PARË NË BOTË I PËRFSHIRË NË KONTRABANDË TË ‘VAKSINËS Anti-Covid’
Vuçiq nuk po arrin të shkëputet nga…
Posted by Meliza Haradinaj-Stublla on Tuesday, December 29, 2020
