Kryetari i Komunës së Gjilanit, Lutfi Haziri, edhe një herë u ka bërë thirrje qytetarëve që të respektojnë rekomandimet e IKSHPK-së për parandalimin e përhapjes së Covid-19, njofton Insajderi
Nëpërmjet një shkrimi në Facebook, ai i është gëzuar lajmit që komuna ka kaluar në zonën e gjelbër, por bën thirrje për mbajtje të maskave dhe ruajte të distancës.
“Lajmi i mirë është që nga sot Gjilani kalon në shkallën e gjelbër të emergjencave civile kundër pandemisë #COVID19. Gjatë ditës i kemi 18 të infektuar me virus dhe 11 të shëruar”, ka shkruar Haziri.
Tutje ai ka thënë se gjendja e përgjithshme është si vijon: nga 8131 mostra, 3157 qytetarë kanë rezultuar pozitivë, 2960 janë shëruar, 96 e kanë humbur betejën me virusin, 90 raste janë aktive, 20 në hospitalizim dhe 91 mostra në pritje.
“Ju lutem, respektoni masat e rekomanduara nga profesionistët. Me masa mbrojtëse, maske dhe distancë, ruhemi bashkë. Për #Gjilanin pa #COVID19!”, ka përfunduar postimin e tij Haziri./Insajderi.com
