Haradinaj në Rudë të Malishevës: Të ndihmohen familjet e prekura nga vërshimet

Insajderi

Haradinaj në Rudë të Malishevës: Të ndihmohen familjet e prekura nga vërshimet

Kryetari i Aleancës për Ardhmëri të Kosovës, Ramush Haradinaj, ka vizituar sot fshatin Rudë të komunës së Malishevës, ku u shkaktuan dëme të mëdha infrastrukturore si pasojë e reshjeve të shiut, njofton Insajderi.

Haradinaj me anë të një postimi në llogarinë e tij në Facebook, i ka bërë thirrje Qeverisë në largim që të që të marrë masa për t’i ndihmuar familjeve të dëmtuara.

“Në këtë katastrofë natyrore, të gjithë së bashku duhet të qëndrojmë pranë familjeve të prekura dhe të bashkëndjejmë me vuajtjet e tyre nga këto përmbytje. Ftoj qeverinë në detyrë, për mobilizim të menjëhershëm të të gjitha institucioneve përkatëse me qëllim të ndihmës dhe përkrahjes për qytetarët, si dhe të vendos për ndarjen e fondit emergjent për mbështetjen e menjëhershme të të gjitha familjeve të prekura nga këto përmbytje”, ka shkruar ai.

“Dëmet infrastrukturore nga këto përmbytje mund të jenë edhe si pasojë e punëve të shpejta dhe jo cilësore. Të gjithë duhet të mbajnë përgjegjësi nëse nuk i kanë përmbushur kontratat sa i përket cilësisë së punës”, ka shkruar tutje Haradinaj. /Insajderi.com