Limaj: Një koalicion PDK – NISMA mund t’i fitojë zgjedhjet

Kreu i Nismës Socialdemokrate, Fatmir Limaj, ka thënë se nëse do të ketë një koalicion NISMA-PDK, si koalicion i vendosur dhe i sinqertë dhe me objektiva të qarta, i fiton zgjedhjet, njofton Insajderi

Limaj në një nga televizionet lokale në Malishevë, ka thënë se, “Nisma Socialdemokrate dhe unë si drejtues i saj jemi të gatshëm për partneritete dhe si e tillë do të vazhdojë të jetë në skenën politike, por ne nuk jemi subjekt që fshihemi apo punojmë për interesin e një individi. Konsideroj që në këtë situatë në të cilën jemi, ajo që i ndihmon më së shumti Kosovës është jetësimi i një projekti të madh për mbrojtjen e vlerave kombëtare, sepse nuk ka asnjë logjikë të sakrifikohet një vizion i madh për interesin e një individi”.

Limaj gjithashtu ka thënë se, qëndrimi dhe oferta e Nismës Socialdemokrate është për të bashkuar identitetet partiake për një objektiv të vetme, mbrojtjen e vlerave kombëtare./Insajderi.com