Kandidati i Lidhjes Demokratike të Kosovës për deputet, Faton Bislimi, thotë se partia e tij i mori sinjalet nga zgjedhjet e Podujevës se nuk ishte në pozicion të mirë elektoral, njofton Insajderi.
Ai në “Debat Plus” thotë se LDK nga zgjedhjet e 14 shkurtit duhet të merr një mësim dhe të reflektojë në raport me kërkesat e elektoratit.
“LDK-së shpeshherë dëmet i janë bërë nga vet LDK-ja. 14 shkurti është vula që LDK u dëmtua nga vet njerëzit e LDK-së. Janë një tabor i njerëzve qoftë përmes veprimit apo mosveprimit nuk i kanë ndihmuar LDK-së kur është dashur. Gjithmonë kemi pasur fraksione të ndryshme që kur nuk kanë mundur të arrijnë qëllimet e tyre kanë dëmtuar LDK-në qoftë në zgjedhje komunale apo lokale”, tha ai, përcjell Telegrafi.
Kandidati i LDK-së për deputet thotë se LDK shumë herë ka vepruar në interes të shtetit duke dëmtuar veten elektoralisht.
Ai thotë se elektorati më shumë ka lëvizur nga LDK për shkak të pakënaqësive se si partia ka vepruar në këto kohë.
“Lëvizja e elektoratit nuk lidhet me largimin e Vjosa Osmanit”, tha ndër të tjera Bislimi./Insajderi.com
