Nënkryetari i Lidhjes Demokratike të Kosovës, Lutfi Haziri, thotë se partia në të cilën bën pjesë, gjithmonë e ka derën hapur për Vjosa Osmanin dhe të tjerët që janë larguar për motive politike, transmeton Insajderi.
I ftuar në ATV, Haziri u pyet se a e ka Vjosa Osmani derën hapur për t’u kthyer në LDK, për çka tha se kjo pyetje më së miri i shkon vetë Osmanit.
“Kjo pyetje më së miri i shkon Vjosës, LDK gjithmonë është e hapur për njerëzit e saj. Edhe ata që janë urdhëru e kanë lëshuar LDK-në për motive politike, edhe ata që ju kanë bashkangjit VV-së për motive politike, edhe më herët ata që e kanë lëshuar LDK-në për arsye të caktuara politike, LDK e ka familjen politike, e cila gjithmonë ka qenë e hapur dhe pa asnjë dyshim ne nuk e njohim logjikën e mbylljes së derës dhe përjashtimit. Kjo është e vërteta e madhe”, tha Haziri.
Kryetari I Komunës së Gjilanit thotë se ka mundësi që edhe LDK të kandidojë president nga radhët e saja. /Insajderi.com
