10 deputetë kanë shënuar rritje të ndjeshme të votave të marra në zgjedhjet e parakohshme parlamentare të 14 shkurtit krahasuar me zgjedhjet e kaluara të 6 tetorit 2019, ndërsa 10 të tjerë ulje po ashtu të ndjeshme, njofton Insajderi.
Sipas një tabele të publikuar nga Instituti Demokratik i Kosovës, deputetët me rritjen më të madhe në vota janë: Glauk Konjufca, Vjosa Osmani, Enver Hoxhaj, Arben Vitia, Avdullah Hoti, Mimoza Kusari, Hekuran Murati, Haxhi Avdyli, Arbërie Nagavci dhe Eman Rrahmani.
Krahasuar me zgjedhjet e kaluara, Konjfuca ka marrë rreth 128 mijë vota më shumë, derisa Osmani rreth 125 mijë.
Ndërkohë, deputetët që kanë shënuar rënie në vota janë: Ramush Haradinaj, Anton Quni, Marigona Geci, Daut Haradinaj, Besian Mustafa, Haki Abazi, Driton Selmanaj, Kujtim Shala, Jasmina Destic dhe Abelard Tahiri.
Haradinaj ka marrë rreth 35 mijë vota më pak se në zgjedhjet e kaluara, derisa Quni rreth 17 mijë më pak./Insajderi.com
