Ministri i Shëndetësisë, Arben Vitia, pritet që sot të mbajë një mbledhje virtuale me kryetarët e komunave të Kosovës, për të diskutuar rreth masave të reja anti-COVID’19, njofton Insajderi.
Kjo mbledhje pritet të fillojë në orën 10:00, përmes platformës online, ndërkaq aty do të diskutohen në detaje masat e reja përfshirë edhe mbylljen për 12 ditë.
Për këtë gjë Vitia dje ka folur edhe me ministrat e kabinetit qeveritar dhe përfaqësuesit e gastronomisë.
Aty u bë e ditur se do të mbyllën lokalet e gastronomisë, qendrat tregtare, palestrat dhe shkollat, ndërkaq u tha se kjo mbyllje do të mbahet nga data 6 deri më 18 prill. /Insajderi.com
