Policia ka dhënë detaje lidhur me vrasjen e ndodhur gjatë ditës së djeshme në Mitrovicë, për çka thotë se vrasja ka ndodhur si pasojë e një zënke mes disa personave, ku një i dyshuar ka shtënë me armë zjarri në drejtim të tre viktimave.
Si pasojë e lëndimeve përveç vdekjes së njërit nga të plagosurit, dy të tjerët janë duke u trajtuar në spitalin rajonal.
I dyshuari për këtë vrasje është arrestuar masi ka marrë trajtimin e nevojshëm mjekësor meqë ishte i lënduar.
Në vendin e ngjarjes kanë dalë të gjitha njësitë përkatëse dhe si dëshmi janë konfiskuar arma dhe tri gëzhoja.
Është bërë bastisje në shtëpinë e të dyshuarit ku janë gjetur dhe konfiskuar një pushkë gjuetie, 43 fishekë të armës së njëjtë.
Me vendim të prokurorit i dyshuari dërgohet në mbajtje. Rasti është duke u hetuar.
“Mitrovicë 17.04.2021 – 11:27. Është raportuar se pas një zënke mes disa personave, një i dyshuar mashkull kosovar ka shtënë me armë zjarri në drejtim të tre viktimave meshkuj kosovarë të cilët janë qëlluar nga arma e zjarrit. Si pasojë e lëndimeve njëri nga të plagosurit ka vdekur, dy të tjerët janë duke u trajtuar në spitalin rajonal. I dyshuari është arrestuar, i njëjti ishte i lënduar dhe ka marrë tretman të nevojshëm mjekësor. Në vendin e ngjarjes kanë dalë të gjitha njësitë përkatëse dhe si dëshmi janë konfiskuar arma dhe tri gëzhoja. Është bërë bastisje në shtëpinë e të dyshuarit ku janë gjetur dhe konfiskuar një pushkë gjuetie, 43 fishekë të armës së njëjtë. Me vendim të prokurorit i dyshuari dërgohet në mbajtje. Rasti është duke u hetuar”, thuhet në njoftimin e policisë. /Insajderi.com
