E përditshmja britanike ‘BBC’ ka raportuar për ngjarjen e sotme të ndodhur në sheshin ‘Skënderbej’ të Tiranës, ku një person arriti ta ndalë një veturë që po rrezikonte jetën e qytetarëve midis këtij sheshi, njofton Insajderi.
“BBC” i ka kushtuar një artikull 22-vjeçarit, Klodian Elqenit, veprimi heroik i të cilit arriti të neutralizojë drejtuesin e mjetit që përhapi panik ditën e sotme.
Ndër të tjera kjo medie prestigjioze thekson se një person “kërcen përmes dritares së makinës për të ndaluar shoferin e rrezikshëm në Shqipëri”.
“Një burrë është arrestuar në Shqipëri, pasi hipi në një shesh për këmbësorë në kryeqytetin e Tiranës. Makina u ndal vetëm kur një kalimtar u hodh në këmbë i pari përmes dritares. Kalimtari tha se mendoi se shoferi po synonte turmën në një sulm të mundshëm terrorist. Shumë njerëz kishin qenë në radhë për t’u vaksinuar në çadra në Sheshin Skënderbej në atë kohë. Policia shqiptare thotë se beson se i dyshuari 32-vjeçar po voziste nën ndikimin e drogës,” thuhet në artikullin e publikuar nga ‘BBC’. /Insajderi.com
