Pesë persona kanë vdekur dhe 108 raste të reja me Coronavirus janë shënuar brenda 24 orëve të fundit në Shqipëri, njofton Insajderi.
Kështu është bërë e ditur nga Ministria e Shëndetësisë e Këtij vendi, në njoftimin e të cilës u tha se rastet e reja rezultuan nga gjithsej dy mijë e 808 testime të kryera.
Gjatë së njëjtës periudhë kohore janë shëruar 732 qytetarë, duke e çuar numrin e të shëruarve në 109 mijë e 338 që nga fillimi i epidemisë.
Aktualisht në spitalet COVID po trajtohen 116 pacientë, 10 në terapi intensive, nga të cilët pesë pacientë janë të intubuar. /Insajderi.com