Ish-komandanti i Ushtrisë Çlirimtare të Kosovës në Zonën Operative të Drenicës, Sami Lushtaku, është shprehur se kryeministri i vendit, Albin Kurti, nuk duhet të presë nga dikush t’i kërkojë që të japë garanci për lirimin me kusht të ish-krerëve të UÇK-së të cilët po mbahen në paraburgim në Hagë, transmeton Insajderi.
Sipas tij, nëse nuk e bën një gjë të tillë, Kurti s’mund të jetë kryeministër i shqiptarëve të Kosovës.
“Ne nuk kemi nevojë të ushtrojmë presion ndaj askujt. Nëse Kurti është kryeministër i Kosovës kjo punë nuk do koment. Nëse ai nuk e bënë një gjë të tillë ai nuk mund të jetë kryeministër i shqiptarëve të Kosovës”, ka thënë Lushtaku në “Debat Plus”.
Ai më pas e ka zbutur këtë deklaratë duke thënë se “nuk mund të jetë kryeministër në aspektin moral.
“Ai moralisht nuk mund të jetë kryeministër i Republikës së Kosovës…Pra nëse zoti Kurti nuk jep këtë siguri Gjykatë Speciale për lirimin me kusht të njerëzve që janë në Hagë, moralisht ai nuk është kryeministër i Kosovës”, ka deklaruar Lushtaku.
