Ministri i Financave, Punës dhe Transfereve, Hekuran Murati, në një konferencë për media ka thënë se kanë identifikimin e disa transfere të dyshimta si dhe pagesa të dyfishta të parregullta nga barazimi që kanë kërkuar më 11 maj, shkruan Insajderi.
Ai po ashtu tha është ngrirë një shumë rreth një milion euro që dyshohet që ka të bëjnë me shpëlarje të parasë dhe me financim të terrorizmit.
Murati, theksoi se keqbërësit do t’i ndjekin deri në fund.
“Kemi bërë identifikimin e disa transfere të dyshimta, ku janë identifikuar prej barazimit që kemi kërkuar, më 11 maj. Ka dhe raste tjera ku ka pas pagesë të dyfishte dhe të parregullte. Keqbërësit do t’i ndjekim deri në fund. Në kapacitetin e kryesuesit të bordit të njësisë së Inteligjencës Financiare që janë ngrirë edhe një shumë rreth 1 milionë euro, që dyshohet kanë të bëjnë me shpëlarje të parave dhe financim të terrorizmit”, ka thënë Murati./Insajderi.com
