Europa Nostra, organizata për ruajtjen e trashëgimisë kulturore, ka lëshuar një deklaratë publike në emër të bordit të saj lidhur me futjen e Manastirit të Deçanit në listën “shtatë vendeve më të rrezikuara” në Evropë.
Nga kjo organizatë i kanë kthyer letrën Zv. Kryeministres dhe Ministres së Punëve të Jashtme dhe Diasporës, Donika Gërvalla-Schwarz, dhe Ministrit të Kulturës, Rinisë dhe Sportit, Hajrulla Çeku, të cilët vendimin e Euro Nostra e kanë cilësuar si të padrejtë dhe të ndikuar politikisht.
Në letrën e tyre ata thonë se përfshirja e Manastirit të Deçanit, dosje e përgatitur nga Trashëgimia Fetare ishte bërë me kujdes dhe me standardet më të larta që kërkohen sipas këtij programi.
Nga Europa Nostra kanë konfirmuar ardhjen e një delegacioni ekspertësh në Kosovë, pas verës.
Po ashtu ata kanë kërkuar takim online gjatë muajit qershor, për të diskutuar më shumë detaje.
“Siç tregohet tashmë në letrën dërguar më 19 Prill 2021 Presidentit dhe Kryeministrit të Kosovës, një delegacion i përbërë nga ekspertë të caktuar nga Europa Nostra ka në plan të vizitojë Kosovën për bisedime me të gjithë palët e interesuara. Kjo vizitë do të bëhet sa më shpejt që situata epidemiologjike do të lejojë udhëtime të tilla, ka shumë të ngjarë që pas verës. Ndërkohë, ne kemi filluar organizimin në internet takime me bashkëbisedues vendas dhe ndërkombëtarë. Prandaj, me anë të kësaj dëshirojmë t’i propozojmë gjithashtu organizoni një takim në internet me ju sa më shpejt të jetë e mundur gjatë muajit qershor.
Duke ju falënderuar për sigurimet në lidhje me përkushtimin e qeverisë suaj për ruajtjen e kulturës trashëgimisë dhe duke pritur që të përfshihemi në një dialog të hapur dhe konstruktiv për të mirën tonë qëllimi i përbashkët: mbrojtja e trashëgimisë multikulturore dhe multireligjioze në Evropë”, thuhet ndër të tjera në letër./Insajderi.com
