Ish-ambasadorja e Kosovës në Shtetet e Bashkuara të Amerikës, Vlora Çitaku, deklaroi të hënën se Mali i Zi është mik i Kosovës dhe se qeveria e kësaj të fundit duhet ta trajtojë me respektin që meriton atë dhe të gjithë miqtë e saj, njofton Insajderi.
Por, sipas saj, e vërteta është se me qeverinë aktuale në Mal të Zi, gjërat janë më të komplikuara seç kanë qenë më parë dhe se Qeveria e Kosovës duhet të veprojë me më shumë përgjegjësi.
“Ne nuk guxojmë të veprojmë në mënyrë të papërgjegjëshme. Çështje të tilla duhet të trajtohen me delikatesë dhe larg presionit publik.
Mediat malazeze raportuan të hënën se Ministria e Drejtësisë e Kosovës ka ngritur padi kundër Komunës së Budvës, në Mal të Zi dhe kompanisë “Sunraf Beach Areas”, duke kërkuar kthimin e 4 mijë e 500 metrave katrorë tokë në shtëtitoren “Rafailoviq”, vend ku dikur ishte vendosur një vendpushim për fëmijë./Insajderi.com